જામનગરમાં એક જ પરિવારના પાંચ સભ્યો કોરોના સામે જીત્યા જંગ

કોરોનાને મહાત આપતા પાંચેય દર્દીને અપાઇ રજા: હાલ જીજી હોસ્પીટલના કોવીડ-19 વોર્ડમાં 12 દર્દી સારવાર હેઠળ

જામનગર.તા.28 
જામનગરની જીજી હોસ્પીટલમાંથી આજે કોરોનાના વધુ પાંચ દર્દીને રજા આપવામાં આવી હતી. કોવીડ-19 વોર્ડમાં કુલ 17 દર્દી કોરોનાની સારવાર લઇ રહ્યા હતા. જેમાંથી આજે પાંચ દર્દીને રજા આપવામાં આવતા હવે કુલ 12 દર્દી સારવાર હેઠળ છે.
જામનગર શહેર અને જીલ્લામાં પણ કોરોનાં વાયરસના દર્દીઓની સંખ્યા વધી છે. અત્યાર સુધીમાં કોરોના વાયરસના કુલ 52 દર્દી નોંધાઈ ચુક્યા છે. ત્યારે તંત્ર દ્વારા કોરોના વાયરસનું સંક્રમણ અટકે તે માટેના તમામ પ્રયાસો પણ કરવામાં આવી રહ્યા છે. તેવામાં જીજી હોસ્પીટલમાં કોરોના વાયરસના કુલ 17 દર્દીઓ સારવાર લઇ રહ્ય હતા. જીજી હોસ્પીટલની કોવીડ-19 વોર્ડમાં સારવાર લઇ રહેલા આ 17 દર્દીમાંથી પાંચ દર્દીઓએ કોરોના સામે જીત મેળવી છે. આ દર્દીઓની તબિયતમાં સુધારો થતા આજે આ તમામ પાંચ દર્દીને રજા આપવામાં આવી હતી.
આજે રજા આપવામાં આવેલા દર્દીઓમાં એક જ પરિવારના લોકો છે જેમાં સુનીલભાઈ ભટ્ટી, ભાવીશાબેન ભટ્ટી, ઇશિતા ભટ્ટી, હર્ષદ ભટ્ટી તેમજ ત્રણ વર્ષનો બાળક લક્ષ સુનીલભાઈ ભટ્ટીને રજા આપવામાં આવી છે. આજે રજા આપવામાં આવેલા પાંચેય દર્દીને આયુર્વેદ હોસ્પીટલમાં સાત દિવસ કોરોન્ટાઈન કરવામાં આવશે.