Skip to main content

દર્દીઓના પરિવારજનો માટે સમાજ વાડીમાં રહેવા અને ભોજનની સુવિધા




જામનગર તા.14:

જામનગરમાં બહારગામથી આવતા કોરોના દર્દીના પરિજનો માટે વાડીઓમાં રહેઠાણ-ભોજનની વ્યવસ્થા માટે મનપાએ બોલાવેલી બેઠકમાં જુદા-જુદા સમાજના પ્રતિનિધિઓએ સુવિધા આપવા ખાતરી આપી છે. કોરોના સંક્રમણને રોકવા તંત્ર દ્વારા આયોજન કરવામાં આવ્યું છે.

જામનગરની જી.જી.હોસ્પિટલમાં રાજકોટ, મોરબી, પોરબંદર, દ્વારકા સહિતના જિલ્લામાંથી મોટી સંખ્યામાં કોરોનાના દર્દીઓ આવી રહ્યા છે. આ સ્થિતિમાં બહારના દર્દીના પરિજનોને યોગ્ય સુવિધા મળે અને સંક્રમણ ન ફેલાય તે હેતુથી શહેરમાં આવેલી જુદા-જુદા સમાજની વાડીઓ અને છાત્રાલયમાં રહેવાની અને જમવાની વ્યવસ્થાને અનુલક્ષીને મંગળવારે કમિશ્નર સતિષ પટેલના અધ્યક્ષ સ્થાને જુદા-જુદા સમાજના પ્રતિનિધિઓની મીટીંગ મળી હતી. જેમાં 30 માંથી 17 સમાજના પ્રતિનિધિઓ ઉપસ્થિત રહ્યા હતાં.

બેઠકમાં સ્ટેન્ડીંગ ચેરમેને જણાવ્યું હતું કે, જો સમાજ દ્વારા પોતાની વાડીમાં બહારથી આવતા દર્દીઓના પરિવાર માટે રહેવાની અને સારવારની વ્યવસ્થા કરવામાં આવે તો પોતાના સમાજનું કેમ્પસ હોવાથી માનસિક સધિયારો મળી રહેશે. મીટીંગમાં ઉપસ્થિત લોહાણા, પટેલ, આહિર, રાજપૂત, ઓશવાળ, સતવારા, બ્રહ્મ, ભાનુશાળી, જૈન, મારૂં કંસારા સમાજની વાડીઓના પ્રતિનિધિઓએ બહારથી આવતા કોવિડના દર્દીઓના સગા-સંબંધી માટે રહેવાની અને જમવાની વ્યવસ્થા કરવા તૈયારી દર્શાવી હતી.

Labels:

Comments

Post a Comment

Popular posts from this blog

જોડિયાના પીઠડ ગામેથી 1200 બોટલ દારૂ ભરેલ ટ્રક ઝડપાયો

જામનગર તા.3 જામનગર જિલ્લામાં વધુ એક વખત દારૂબંધીની અમલવારી સામે સવાલ ઉઠાવતો કિસ્સો પ્રકાશમાં આવ્યો છે. જોડિયા તાલુકાન પીઠડ ગામેથી પાંચ પચ્ચીસ નહીં પરંતુ 1204 બોટલ દારૂનો જથ્થો ઝડપાયો હતો. પોલીસે 2.82 લાખની કિંમતની જુદી જુદી બ્રાન્ડની દારૂનો બોટલ તેમજ અશોક લેલન ગાડી સહિત કુલ રૂા.5.87 લાખના મુદ્દામાલ સાથે એક આરોપીને પકડી પાડ્યો હતો. જ્યારે તેની પૂછપરછમાં દારૂ સપ્લાય કરનાર, દારૂ વેચાણ કરનાર, હેરાફેરી કરનાર સહિતના પાંચ શખ્સોના નામ ખુલ્યાં છે. જેને પગલે પોલીસે આ પાંચેયને ફરારી જાહેર કરી વધુ તપાસ હાથ ધરી છે. જોડીયા પોલીસ સ્ટેશનના પીઆઇ આર.એસ.રાજપૂત નાઓના માર્ગદર્શન મુજબ બાલંભા પોલીસ મથકના પીએસઆઇ કે.ડી.જાડેજા તથા એ.એસ.આઇ. રવિરાજસિંહ મહેન્દ્રસિંહ જાડેજા નાઓને મળેલ બાતમીના આધારે જોડીયા તાલુકા પીઠડ ગામનાં ખારાવાડ તરીકે ઓળખાતી અવાવરૂ જગ્યામાં જાહેર ખરાબામાં બાવળની ઝાડીમાં એક અશોક લેલન કંપનીના બડા દોસ્ત મીની ટ્રકમાંથી ઇંગ્લીશ દારૂની જુદી જુદી બ્રાન્ડની રૂા.2,82,400 ની કિંમતની 1204 નંગ બોટલ સાથે મોરબી જિલ્લાના ખાનપર ગામના યશપાલસિંહ ધનુભા જાડેજા (ઉ.વ.26) નામના શખ્સની અટકાયત કરી હતી. પોલીસ દ્વારા યશપા...
Post a Comment
Read more

જામનગરમાં યુવતીના મકાનમાંથી દારૂની બોટલો મળી આવી

જામનગર શહેરના ગોકુલનગર રડાર રોડ પર રહેતી યુવતીના મકાનમાંથી પોલીસે તલાસી દરમિયાન રૂા.7000 ની કિંમતની 14 બોટલ દારૂ મળી આવતા આગળની કાર્યવાહી હાથ ધરી હતી. દરોડાની વિગત મુજબ, જામનગર શહેરના ગોકુલનગર રડાર રોડ પરના વિસ્તારમાં રહેતી મનિષાબેન દિનેશ રાઠોડ નામની મજુરી કામ કરતી મહિલાના મકાનમાં દારૂનો જથ્થો હોવાની બાતમીના આધારે સિટી સી પોલીસ સ્ટાફે રેઈડ દરમિયાન તલાસી લેતા યુવતીના મકાનમાંથી રૂા.7000 ની કિંમતની ઈંગ્લીશ દારૂની 14 બોટલો મળી આવતા પોલીસે દારૂની બોટલના જથ્થા સાથે યુવતીની અટકાયત કરી પૂછપરછ હાથ ધરી હતી.
Post a Comment
Read more

જામનગર માર્કેટ યાર્ડમાં ધાણાની વિક્રમજનક 30000 મણ આવક

માર્ચ એન્ડીંગના કારણે તા.24 થી 31 માર્ચ દરમિયાન હરરાજી બંધ રહેશે તથા 23 માર્ચથી જણસોની આવક બંધ કરાશે જામનગર તા.16: જામનગર માર્કેટીંગ યાર્ડ આજે ધાણાની વિક્રમજનક 30 હજાર મણની આવક થઈ હતી. જેને લીધે યાર્ડ ધાણાથી છલકાઈ ગયું હતું. જેથી યાર્ડના સતાધીશો દ્રારા  નવી  જાહેરાત ન થાય ત્યાં સુધી ધાણાની આવક બંધ કરવાની જાહેરાત સેક્રેટરી હિતેષ પટેલે કરી હતી. જામનગર માર્કેટીંગ યાર્ડ હાપામાં જુદી જુદી જણસી બાદ હવે ધાણાની આવક નવો રેકોર્ડ નોંધાવી દીધો છે. આજે 30 હજાર મણ ધાણાની આવક નોંધાઇ હતી. જેનાથી યાર્ડ ધાણાથી છલકાયું હતું.ધાણાની આવક જોતા યાર્ડના સતાધિશો દ્રારા નવી જાહેરાત ન થાય ત્યાં સુધી ધાણાની. આવક બંધ કર્યાની જાહેરાત યાર્ડના સેક્રેટરી હિતેષ પટેલ દ્રારા કરાઈ હતી. આ ઉપરાંત માર્ચ એન્ડીંગને ધ્યાનમાં રાખીને દર વર્ષની માફક આ વખતે પણ કામગીરી ઉપર બ્રેક લાગશે. તા.24 થી જામનગર યાર્ડમાં જણસોની જાહેર  હરરાજી બંધ કરવામાં આવશે અને તેથી તા.23 થી જણસોની આવકને પણ સ્થગિત કરવામાં આવશે. 
Post a Comment
Read more