હવેથી ‘હોમ ક્વોરેન્ટાઇન’માં ઘરમાં રહેતાં તમામે ક્વોરેન્ટાઇન થવું પડશે

જામનગર તા.14

જામનગર જિલ્લામાં અન્ય જિલ્લામાંથી લોકોના આવવાનું પ્રમાણ ખૂબ વધ્યું છે અને તેને લીધે કેસોની સંખ્યામાં પણ વધારો થઇ રહ્યો છે ત્યારે હવે જામનગર જિલ્લા કલેક્ટર દ્વારા હોમ ક્વોરેન્ટાઇન થતા લોકોના ઘટના તમામ સભ્યોને ક્વોરેન્ટાઇન થવું પડશે તેમ જાહેર કરવામાં આવ્યું છે.

જામનગર જિલ્લામાં હવે અન્ય જિલ્લાઓમાંથી સતત લોકો આવી રહ્યાં છે. કોરોનાના કેસની સંખ્યામાં પણ ચિંતાજનક વધારો થઇ રહ્યો છે. વળી આ સ્થિતિમાં બહારથી આવતા લોકો પણ મોટાભાગે સમરસ કે અન્ય ફેસેલીટી સેન્ટર કરતા હોમ ક્વોરેન્ટાઇન થવાનો આગ્રહ રાખતા હોય છે.

હોમ ક્વોરેન્ટાઇનના નિયમનું પાલન બહારથી આવનાર વ્યક્તિ માટે જ હતું પરંતુ તેમાં પણ હવે સ્થાનિક સંક્રમણનું જોખમ વધતું હોવાનું જણાતા જામનગર જિલ્લા કલેક્ટર રવિશંકર દ્વારા હોમ ક્વોરેન્ટાઇન અંગે અગત્યના ફેરફારની સુચના જાહેર કરવામાં આવી છે.

હવે હોમ ક્વોરેન્ટાઇન થનાર વ્યક્તિ ઉપરાંત તે વ્યક્તિ જે (મકાન કે ફ્લેટ)માં રહે છે. તેમાં તેની સાથે રહેતાં તેના ઘરના તમામ સભ્યોએ પણ ક્વોરેન્ટાઇન થવું પડશે અને ક્વોરેન્ટાઇનના નિયમનું ચુસ્તપણે પાલન કરવું પડશે. એટલે કે બહારથી ભલે એક જ વ્યક્તિ આવી હોય પરંતુ તેની સાથે તેન મકાન (ઘર)માં જેટલી પણ વ્યક્તિ રહેતી હશે તે વધી ક્વોરેન્ટાઇન જ ગણાશે.

આમ આ ફેરફાર કરવા પાછળનો જિલ્લા ક્લેકટરનો આશય એવો હોઇ શકે કે હોમ ક્વોરેન્ટાઇનનો આગ્રહ રાખવાનું પ્રમાણ ઘટી શકે એટલું જ નહીં અતિ આવશ્યક હોય તેવા જ કિસ્સામાં ઘરના લોકો જિલ્લા બહારથી તેના પરિવાર કે કુટુંબના સભ્યને બોલાવશે. જો આમ થશે તો તે જામનગર શહેર અને જિલ્લાના હીતમાં ક્લેકટર દ્વારા લેવાયેલું સારૂં પગલું સાબિત થશે. લોકો જેટલો સહકાર આપશે તેટલો લોકોને જ ફાયદો થશે.

Comments

જોડિયાના પીઠડ ગામેથી 1200 બોટલ દારૂ ભરેલ ટ્રક ઝડપાયો

જામનગર તા.3 જામનગર જિલ્લામાં વધુ એક વખત દારૂબંધીની અમલવારી સામે સવાલ ઉઠાવતો કિસ્સો પ્રકાશમાં આવ્યો છે. જોડિયા તાલુકાન પીઠડ ગામેથી પાંચ પચ્ચીસ નહીં પરંતુ 1204 બોટલ દારૂનો જથ્થો ઝડપાયો હતો. પોલીસે 2.82 લાખની કિંમતની જુદી જુદી બ્રાન્ડની દારૂનો બોટલ તેમજ અશોક લેલન ગાડી સહિત કુલ રૂા.5.87 લાખના મુદ્દામાલ સાથે એક આરોપીને પકડી પાડ્યો હતો. જ્યારે તેની પૂછપરછમાં દારૂ સપ્લાય કરનાર, દારૂ વેચાણ કરનાર, હેરાફેરી કરનાર સહિતના પાંચ શખ્સોના નામ ખુલ્યાં છે. જેને પગલે પોલીસે આ પાંચેયને ફરારી જાહેર કરી વધુ તપાસ હાથ ધરી છે. જોડીયા પોલીસ સ્ટેશનના પીઆઇ આર.એસ.રાજપૂત નાઓના માર્ગદર્શન મુજબ બાલંભા પોલીસ મથકના પીએસઆઇ કે.ડી.જાડેજા તથા એ.એસ.આઇ. રવિરાજસિંહ મહેન્દ્રસિંહ જાડેજા નાઓને મળેલ બાતમીના આધારે જોડીયા તાલુકા પીઠડ ગામનાં ખારાવાડ તરીકે ઓળખાતી અવાવરૂ જગ્યામાં જાહેર ખરાબામાં બાવળની ઝાડીમાં એક અશોક લેલન કંપનીના બડા દોસ્ત મીની ટ્રકમાંથી ઇંગ્લીશ દારૂની જુદી જુદી બ્રાન્ડની રૂા.2,82,400 ની કિંમતની 1204 નંગ બોટલ સાથે મોરબી જિલ્લાના ખાનપર ગામના યશપાલસિંહ ધનુભા જાડેજા (ઉ.વ.26) નામના શખ્સની અટકાયત કરી હતી. પોલીસ દ્વારા યશપા...

જામનગરમાં યુવતીના મકાનમાંથી દારૂની બોટલો મળી આવી

જામનગર શહેરના ગોકુલનગર રડાર રોડ પર રહેતી યુવતીના મકાનમાંથી પોલીસે તલાસી દરમિયાન રૂા.7000 ની કિંમતની 14 બોટલ દારૂ મળી આવતા આગળની કાર્યવાહી હાથ ધરી હતી. દરોડાની વિગત મુજબ, જામનગર શહેરના ગોકુલનગર રડાર રોડ પરના વિસ્તારમાં રહેતી મનિષાબેન દિનેશ રાઠોડ નામની મજુરી કામ કરતી મહિલાના મકાનમાં દારૂનો જથ્થો હોવાની બાતમીના આધારે સિટી સી પોલીસ સ્ટાફે રેઈડ દરમિયાન તલાસી લેતા યુવતીના મકાનમાંથી રૂા.7000 ની કિંમતની ઈંગ્લીશ દારૂની 14 બોટલો મળી આવતા પોલીસે દારૂની બોટલના જથ્થા સાથે યુવતીની અટકાયત કરી પૂછપરછ હાથ ધરી હતી.

જામનગર માર્કેટ યાર્ડમાં ધાણાની વિક્રમજનક 30000 મણ આવક

માર્ચ એન્ડીંગના કારણે તા.24 થી 31 માર્ચ દરમિયાન હરરાજી બંધ રહેશે તથા 23 માર્ચથી જણસોની આવક બંધ કરાશે જામનગર તા.16: જામનગર માર્કેટીંગ યાર્ડ આજે ધાણાની વિક્રમજનક 30 હજાર મણની આવક થઈ હતી. જેને લીધે યાર્ડ ધાણાથી છલકાઈ ગયું હતું. જેથી યાર્ડના સતાધીશો દ્રારા નવી જાહેરાત ન થાય ત્યાં સુધી ધાણાની આવક બંધ કરવાની જાહેરાત સેક્રેટરી હિતેષ પટેલે કરી હતી. જામનગર માર્કેટીંગ યાર્ડ હાપામાં જુદી જુદી જણસી બાદ હવે ધાણાની આવક નવો રેકોર્ડ નોંધાવી દીધો છે. આજે 30 હજાર મણ ધાણાની આવક નોંધાઇ હતી. જેનાથી યાર્ડ ધાણાથી છલકાયું હતું.ધાણાની આવક જોતા યાર્ડના સતાધિશો દ્રારા નવી જાહેરાત ન થાય ત્યાં સુધી ધાણાની. આવક બંધ કર્યાની જાહેરાત યાર્ડના સેક્રેટરી હિતેષ પટેલ દ્રારા કરાઈ હતી. આ ઉપરાંત માર્ચ એન્ડીંગને ધ્યાનમાં રાખીને દર વર્ષની માફક આ વખતે પણ કામગીરી ઉપર બ્રેક લાગશે. તા.24 થી જામનગર યાર્ડમાં જણસોની જાહેર હરરાજી બંધ કરવામાં આવશે અને તેથી તા.23 થી જણસોની આવકને પણ સ્થગિત કરવામાં આવશે.

Jamnagar News

Search This Blog