Skip to main content

જામનગર જિલ્લામાં આજે નવા 4 પોઝીટીવ કેસ નોંધાયા

જામનગર જિલ્લાનો કોરોના પોઝીટીવનો આંક વધીને 33 ઉપર પહોંચ્યો


જામનગર તા.13
જામનગર જિલ્લાને જાણે કોરોનાની લપડાક સતત ચાલુ રહી હોય તેમ, આજે વધુ 4 દર્દીઓના રિપોર્ટ પોઝીટીવ આવ્યા હોવાનું જાણવા મળે છે. આ સાથે જ જામનગર જિલ્લાનો કોરોના પોઝીટીવ કેસનો આંક 33 પર પહોંચ્યો છે. સતત વધતા જતા કોરોના સંક્રમણના પ્રવાહને લઇને વહીવટી તંત્રની સાથે આરોગ્ય તંત્ર પણ ઉંધા માથે થયું છે.
જામનગર જિલ્લામાં છેલ્લા એક સપ્તાહમાં કોરોનાનો રાફડો ફાટ્યો હોય તેમ  સતત પોઝીટીવ દર્દીઓની સંખ્યામાં વધારો થઇ રહ્યો છે. ગત સપ્તાહમાં 15 કેસ પોઝીટીવ નોંધાયા બાદ હજી પોઝીટીવ આવવાનો સીલસીલો ચાલુ રહ્યો છે.
જામનગરની જી.જી.હોસ્પિટલ ખાતે આવેલી લેબોરેટરીમાં ગત્ રાત્રે આવેલા 22 સેમ્પલોમાંથી મોરબી જિલ્લાના 7 અને પોરબંદર જિલ્લાના 12 સેમ્પલનો પણ સમાવેશ થાય છે.
ઉપરોક્ત સેમ્પલોના પરિક્ષણમાં જામનગર જિલ્લાના વધુ 4 દર્દીના રિપોર્ટ પોઝીટીવ આવ્યાનું સુત્રોએ જણાવ્યું હતું. જામનગરની જી.જી.હોસ્પિટલમાં હાલ કોરોનાના 28 પોઝીટીવ દર્દીઓની સારવાર ચાલી રહી છે. ગઇકાલે રાત્રે થયેલા પરિક્ષણમાં દેવભૂમિ દ્વારકા જિલ્લાના જામસલાયા ગામના 7 લોકોના રિપોર્ટ પોઝીટીવ આવ્યા હતાં.
જામનગર જિલ્લામાં આવેલા સરકારી અને ખાનગી ક્વોરેન્ટાઇન સેન્ટરોમાં આજની સ્થિતિએ કુલ 1458 લોકોને રાખવામાં આવ્યા છે. જામનગર જિલ્લાનો કોરોના પોઝીટીવના કેસનો આંક વધીને 33 થયો છે. 
Labels:

Comments

Post a Comment

Popular posts from this blog

જોડિયાના પીઠડ ગામેથી 1200 બોટલ દારૂ ભરેલ ટ્રક ઝડપાયો

જામનગર તા.3 જામનગર જિલ્લામાં વધુ એક વખત દારૂબંધીની અમલવારી સામે સવાલ ઉઠાવતો કિસ્સો પ્રકાશમાં આવ્યો છે. જોડિયા તાલુકાન પીઠડ ગામેથી પાંચ પચ્ચીસ નહીં પરંતુ 1204 બોટલ દારૂનો જથ્થો ઝડપાયો હતો. પોલીસે 2.82 લાખની કિંમતની જુદી જુદી બ્રાન્ડની દારૂનો બોટલ તેમજ અશોક લેલન ગાડી સહિત કુલ રૂા.5.87 લાખના મુદ્દામાલ સાથે એક આરોપીને પકડી પાડ્યો હતો. જ્યારે તેની પૂછપરછમાં દારૂ સપ્લાય કરનાર, દારૂ વેચાણ કરનાર, હેરાફેરી કરનાર સહિતના પાંચ શખ્સોના નામ ખુલ્યાં છે. જેને પગલે પોલીસે આ પાંચેયને ફરારી જાહેર કરી વધુ તપાસ હાથ ધરી છે. જોડીયા પોલીસ સ્ટેશનના પીઆઇ આર.એસ.રાજપૂત નાઓના માર્ગદર્શન મુજબ બાલંભા પોલીસ મથકના પીએસઆઇ કે.ડી.જાડેજા તથા એ.એસ.આઇ. રવિરાજસિંહ મહેન્દ્રસિંહ જાડેજા નાઓને મળેલ બાતમીના આધારે જોડીયા તાલુકા પીઠડ ગામનાં ખારાવાડ તરીકે ઓળખાતી અવાવરૂ જગ્યામાં જાહેર ખરાબામાં બાવળની ઝાડીમાં એક અશોક લેલન કંપનીના બડા દોસ્ત મીની ટ્રકમાંથી ઇંગ્લીશ દારૂની જુદી જુદી બ્રાન્ડની રૂા.2,82,400 ની કિંમતની 1204 નંગ બોટલ સાથે મોરબી જિલ્લાના ખાનપર ગામના યશપાલસિંહ ધનુભા જાડેજા (ઉ.વ.26) નામના શખ્સની અટકાયત કરી હતી. પોલીસ દ્વારા યશપા...
Post a Comment
Read more

શ્રાવણમાસ દરમિયાન ખ્યાતનામ ગોપનાથ મહાદેવ મંદિર આસપાસ ગંદકીના ગંજ

ગંદકી ન ફેલાવવા સામાજીક કાર્યકરની અપીલ લાખો લોકોના આસ્થાના અખૂટ સમુદ્ર સમાન જામજોધપુર પંથકમાં આવેલ ગોપનાથ મહાદેવ મંદિરે પવિત્ર શ્રાવણ માસ નિમિત્તે ભક્તો ભીડ જામતી હતી. જ્યાં ભક્તો દ્વારા કચરો આડેધડ ફેંકવામાં આવતા હાલ આ મંદિરના રસ્તે નર્કાગાર જેવી સ્થિતિ થઇ છે. જે મંદિરની પવિત્ર શોભાને અભડાવી રહી છે. આથી મોટી ગોપના રહેવાસી અને સામાજીક કાર્યકર કૌશિકભાઇ જોશી દ્વારા આડેધડ કચરો ન ફેંકવા નાગરિકોને અનુરોધ કરાયો છે.
Post a Comment
Read more

રણજીતસાગર ડેમ ઉપર પોલીસના નામે સહેલાણીઓની પજવણી કરતા બે શખ્સોને પાંચ વર્ષની સજા

બે રોડછાપ રોમિયોએ નકલી પોલીસ બની યુવતિના ફોટા પાડી બિભત્સ માંગણી કરેલી: યુવતિ તાબે ન થતાં ફોટા સોશ્યલ મીડિયામાં કર્યા હતાં વાયરલ: જાતિય હુમલાનો ભોગ બનેલ યુવતિને 50 હજારની રકમ વળતર પેટે ચુકવવા જામનગરની અદાલતનો હુકમ જામનગર તા.30 જામનગરના રણજીતસાગર ડેમ પર હરવા-ફરવા આવતા સહેલાણીઓની પજવણી કરતા બે રોડછાપ રોમિયોને જામનગરની અદાલતે પાંચ વર્ષની જેલની સજા અને 50 હજારનો દંડ ફટકારી દાખલારૂપ ચુકાદો આપ્યો છે. આ કેસની હકીકત મુજબ રણજીતસાગર નગરજનો માટે ફરવા જવાનું પીકનીક પોઇન્ટ છે. આ પીકનીક પોઇન્ટર પર અવાર-નવાર રોડ રોમિયો દ્વારા નિર્દોષ સ્ત્રીઓ, યુવતિઓને પજવણી કરતી હોવાની રાવ ઉટી છે. ત્યારે કોલેજમાં અભ્યાસ કરતી એક યુવતિએ પોલીસ સમક્ષ ફરિયાદ કરી હતી. જે અનુસાર તા.11/5/20215ના રોજ જામનગર બી.એસ.સી.માં અભ્યાસ કરતી યુવતિનું સગપણ થતાં મંગેતર સાથે રણજીતસાગર પર ફરવા ગઇ હતી. બન્ને જણા રણજીતસાગર ડેમ પર બેઠા હતાં ત્યારે સાંજના ચાર વાગ્યે કારમાં બે રોમિયો આવી અને આ બન્ને 25 થી 30 વર્ષની ઉંમરના હતાં. તેઓએ પોતે પોલીસ હોવાનું જણાવી આ યુવતિ અને તેના મંગેતરને અહીં શું કરવા આવેલા છો? તેમ કહી પૂછપરછ કરવા લાગ્યા હતાં અને બન...
Post a Comment
Read more