જોડિયા નજીક બાઇક-ડમ્પર વચ્ચે ગમખ્વાર અકસ્માત : બે ના મોત

જામનગર તા.29:
જોડિયા તાલુકાના લખતર ગામ નજીક ગઇકાલે સાંજે ડમ્પર અને બાઇક વચ્ચે સર્જાયેલા ગમખ્વાર અકસ્માતમાં બાઇક સવાર બે આદિવાસી યુવાનોના ઘટના સ્થળે જ કમકમાટી ભર્યા મૃત્યું નિપજતા શ્રમિક પરિવારમાં ગમગીની પ્રસરી જવા પામી છે. રોંગ સાઇડમાં આવતું મોટરસાયકલ ડમ્પરના આગળના ભાગે અથડાતા અકસ્માત સર્જાયો હોવાનું જાણવા મળ્યું છે.
જોડિયા સહિત જિલ્લાભરમાં શોક જન્માવનાર અકસ્માતના આ બનાવની વિગત મુજબ ગઇકાલે સાંજે છ વાગ્યાના સુમારે જોડીયાથી 14 કિ.મી. દુર આવેલા લખતર ગામ નજીક એમ.પી.69એમસી-0231 નંબરનું મોટરસાયકલ સામેથી આવી રહેલાં ટ્રક સાથે ધડાકાભેર અથડાયું હતું. પલવારમાં સર્જાય ગયેલી આ દુર્ઘટનામાં બાઇક સવાર જોડિયા તાલુકાના મજોઠ ગામે ખેત મજુરી કરતાં બાઇક ચાલક દિલીપભાઇ ગનીયાભાઇ માવડા અને સુરબાન ઉર્ફે ભાયો રાયસીંગ પચાયા નામના બન્ને યુવાનોને માથા અને શરીરના ભાગે ઘાતક ઇજાઓ પહોંચતા બન્નેના ઘટના સ્થળે જ કમકમાટી ભર્યા મૃત્યું નિપજ્યા હતાં. આ બનાવના પગલે ગભરાઇ ગયેલા ડમ્પર ચાલક મુકેશ દેવાભાઇ વરુ સ્થળ છોડી ધ્રોલ પહોંચ્યા હતાં. ત્યારબાદ જોડિયા પોલીસ દફતર પહોંચ્યા હતા અને પોલીસને જાણ કરી હતી. રોંગ સાઇડમાં આવી ગયેલ મોટરસાયકલ ધડાકાભેર અથડાઇ જતાં ચાલકે ડમ્પર થંભાવી દિધુ હતું પરંતુ તે પુર્વે બન્ને બાઇક સવાર રસ્તા પર ફુટબોલની જેમ ફંગોળાઇ જતાં બન્નેએ ત્યાં જ દમ તોડી દીધો હતો. આ બનાવ અંગે જોડિયા પોલીસે રોંગ સાઇડમાં બાઇક ચલાવી ડમ્પર સાથે અથડાવી અકસ્માત નિપજાવવા બદલ બાઇક ચાલક સામે ફરિયાદ નોંધી હતી. આ ફરિયાદના આધારે પોલીસે આગળની કાર્યવાહી હાથ ધરી હતી.

Comments

જોડિયાના પીઠડ ગામેથી 1200 બોટલ દારૂ ભરેલ ટ્રક ઝડપાયો

જામનગર તા.3 જામનગર જિલ્લામાં વધુ એક વખત દારૂબંધીની અમલવારી સામે સવાલ ઉઠાવતો કિસ્સો પ્રકાશમાં આવ્યો છે. જોડિયા તાલુકાન પીઠડ ગામેથી પાંચ પચ્ચીસ નહીં પરંતુ 1204 બોટલ દારૂનો જથ્થો ઝડપાયો હતો. પોલીસે 2.82 લાખની કિંમતની જુદી જુદી બ્રાન્ડની દારૂનો બોટલ તેમજ અશોક લેલન ગાડી સહિત કુલ રૂા.5.87 લાખના મુદ્દામાલ સાથે એક આરોપીને પકડી પાડ્યો હતો. જ્યારે તેની પૂછપરછમાં દારૂ સપ્લાય કરનાર, દારૂ વેચાણ કરનાર, હેરાફેરી કરનાર સહિતના પાંચ શખ્સોના નામ ખુલ્યાં છે. જેને પગલે પોલીસે આ પાંચેયને ફરારી જાહેર કરી વધુ તપાસ હાથ ધરી છે. જોડીયા પોલીસ સ્ટેશનના પીઆઇ આર.એસ.રાજપૂત નાઓના માર્ગદર્શન મુજબ બાલંભા પોલીસ મથકના પીએસઆઇ કે.ડી.જાડેજા તથા એ.એસ.આઇ. રવિરાજસિંહ મહેન્દ્રસિંહ જાડેજા નાઓને મળેલ બાતમીના આધારે જોડીયા તાલુકા પીઠડ ગામનાં ખારાવાડ તરીકે ઓળખાતી અવાવરૂ જગ્યામાં જાહેર ખરાબામાં બાવળની ઝાડીમાં એક અશોક લેલન કંપનીના બડા દોસ્ત મીની ટ્રકમાંથી ઇંગ્લીશ દારૂની જુદી જુદી બ્રાન્ડની રૂા.2,82,400 ની કિંમતની 1204 નંગ બોટલ સાથે મોરબી જિલ્લાના ખાનપર ગામના યશપાલસિંહ ધનુભા જાડેજા (ઉ.વ.26) નામના શખ્સની અટકાયત કરી હતી. પોલીસ દ્વારા યશપા...

જામનગરમાં યુવતીના મકાનમાંથી દારૂની બોટલો મળી આવી

જામનગર શહેરના ગોકુલનગર રડાર રોડ પર રહેતી યુવતીના મકાનમાંથી પોલીસે તલાસી દરમિયાન રૂા.7000 ની કિંમતની 14 બોટલ દારૂ મળી આવતા આગળની કાર્યવાહી હાથ ધરી હતી. દરોડાની વિગત મુજબ, જામનગર શહેરના ગોકુલનગર રડાર રોડ પરના વિસ્તારમાં રહેતી મનિષાબેન દિનેશ રાઠોડ નામની મજુરી કામ કરતી મહિલાના મકાનમાં દારૂનો જથ્થો હોવાની બાતમીના આધારે સિટી સી પોલીસ સ્ટાફે રેઈડ દરમિયાન તલાસી લેતા યુવતીના મકાનમાંથી રૂા.7000 ની કિંમતની ઈંગ્લીશ દારૂની 14 બોટલો મળી આવતા પોલીસે દારૂની બોટલના જથ્થા સાથે યુવતીની અટકાયત કરી પૂછપરછ હાથ ધરી હતી.

જામનગર માર્કેટ યાર્ડમાં ધાણાની વિક્રમજનક 30000 મણ આવક

માર્ચ એન્ડીંગના કારણે તા.24 થી 31 માર્ચ દરમિયાન હરરાજી બંધ રહેશે તથા 23 માર્ચથી જણસોની આવક બંધ કરાશે જામનગર તા.16: જામનગર માર્કેટીંગ યાર્ડ આજે ધાણાની વિક્રમજનક 30 હજાર મણની આવક થઈ હતી. જેને લીધે યાર્ડ ધાણાથી છલકાઈ ગયું હતું. જેથી યાર્ડના સતાધીશો દ્રારા નવી જાહેરાત ન થાય ત્યાં સુધી ધાણાની આવક બંધ કરવાની જાહેરાત સેક્રેટરી હિતેષ પટેલે કરી હતી. જામનગર માર્કેટીંગ યાર્ડ હાપામાં જુદી જુદી જણસી બાદ હવે ધાણાની આવક નવો રેકોર્ડ નોંધાવી દીધો છે. આજે 30 હજાર મણ ધાણાની આવક નોંધાઇ હતી. જેનાથી યાર્ડ ધાણાથી છલકાયું હતું.ધાણાની આવક જોતા યાર્ડના સતાધિશો દ્રારા નવી જાહેરાત ન થાય ત્યાં સુધી ધાણાની. આવક બંધ કર્યાની જાહેરાત યાર્ડના સેક્રેટરી હિતેષ પટેલ દ્રારા કરાઈ હતી. આ ઉપરાંત માર્ચ એન્ડીંગને ધ્યાનમાં રાખીને દર વર્ષની માફક આ વખતે પણ કામગીરી ઉપર બ્રેક લાગશે. તા.24 થી જામનગર યાર્ડમાં જણસોની જાહેર હરરાજી બંધ કરવામાં આવશે અને તેથી તા.23 થી જણસોની આવકને પણ સ્થગિત કરવામાં આવશે.

Jamnagar News

Search This Blog